အောင်မယ်လေး ဘလော့ မရေးဖြစ်တာ နှစ်နဲ့တောင် ချီနေပြီ။ ဘင်လာဒင် သေမှပဲပြန်ရေးဖြစ်တော့တယ်။ သူသေတာကို ကျေးဇူးတင်ရမလိုဖြစ်နေပြီ။ သတင်းကြားကြားချင်းတော့ မယုံဘူး။ အရင်ကလဲ အဲလိုပြောကြတာပဲလေ။ US ကသူရှိတယ် ထင်သမျှနေရာတွေ ဗုံးလိုက်ကြဲတာ ဘယ့်နှယ့် ဗုံးထိလို့ အရင်ကတည်းက သေလည်းသေနေလောက် ရောပေါ့။ US ကိုယ်တိုင်တောင် သိချင်မှသိမှာ။ အဲတာ တနေ့က အဲသတင်းကြားတယ်။ အိုဘားမားလည်း TV မှာ အဲဒီကိစ္စနဲ့ပတ်သတ်ပြီး အတည်ပြုထုတ်ပြန်ချက် ထုတ်မယ်လို့ ပြောတယ်။ ထိုင်စောင့်နေလိုက်တယ်။ မကြားဘူး တကယ်ဟ။ အိုဘားမားက သူ့တို့ US စစ်တပ်ထိုးစစ်ကြောင့် အသေမိကြောင်း။ အလောင်းလည်း လက်ဝယ်ရှိကြောင်း ပြောတော့ ဟဒီတခါတော့ ဘင်လာဒင် ကကယ်သွားပြီ ဆိုတာ တွက်လိုက်မိတယ်။ YouTube က အိုဘားမားရဲ့ မိန့်ခွန်း ဗီဒီယိုကို ဒီမှာ ပြန်တင်ပေးလိုက်ပါတယ်။ တခုပြောချင်တာ ရှိပါတယ်။ အဲဒါကိုတော့ ဗီဒီယိုအောက်မှာ ဖတ်ပါ။
အပေါ်က ဗီဒီယိုထဲမှာတော့ မပါဘူးဗျ။ အဲဒါက ဘာလဲဆိုတော့ US နိုင်ငံသားတွေ ဘင်လာဒင် သေသွားတာကို လက်ပေါ်ထွက် အမေရိကန် အလံတွေ တလူလူနဲ့ "USA .. USA .. USA..." လို့အော်ပြီး အောင်ပွဲခံ ခဲ့ကြတာပါပဲ။ TV ထဲမှာတော့ ထပ်ခါထပ်ခါကို ပြပါတယ်။ တွေးကြည့်ရင်တော့ ရိုးရိုးလေးပါ။ သူတို့ 9/11 အဖြစ်အပျက်တရားခံကို အသေမိတာ အောင်ပွဲခံစရာပေါ့။ ဒါပေမယ့် အဲဒါကို ကြည့်ပြီ တခြားနိုင်ငံသားတွေ မကြည်ကြပါဘူး။ သတင်းကြေညာတဲ့သူတောင် သိပ်ကြည်ပုံမရပါဘူး။ ဗီဒီယိုကိုတော့ ဒီမှာကြည့်ပါ။
ထားပါ ဆိုလိုတာက အမေရိကန်တွေ ပါကစ်စတန်တွေ ခနမေ့ထား။ အခွံတွေချွတ် ရိုးရိုးလေးတွေးကြည့်လိုက်။ သူများနိုင်ငံသားတရောက် သေတာကို တခြားနိုင်ငံသားတွေက အဲလောက်ထိတောင် အောင်ပွဲခံတယ်။ ငါတို့ကို လာမစမ်းနဲ့ ဆိုတဲ့သဘောလား။ ငါတို့ လုပ်နိုင်တယ် ဆိုတဲ့သဘောလား။ အင်အားကြီး နိုင်ငံတခု အနေနဲ့ အဲဒါ မဖြစ်သင့်ပါဘူး။ ဆော်ဒီအာရေးဘီးယား နိုင်ငံသားတွေ၊ နောက် တခြား အကြမ်းဖက်သမားတွေ မပြောနဲ့ ကျွန်တော်တို့ အနေနဲ့ ဘင်လာဒင်ကို မထာက်ခံတဲ့သူတွေတောင် ခုလို သူတို့ အပျော်လွန်နေတာကို ထောက်ခံစရာ အကြောင်းမရှိပါဘူး။ စစ်ပွဲတခုကို နိုင်သည်ဖြစ်စေ ရှုံးသည်ဖြစ်စေ အောင်ပွဲဟာလည်း စစ်ပွဲပါပဲ။ ရှုံးရင်လဲ စစ်ပွဲပါပဲ။ ဘာမှ ပျော်နေစရာ အကြောင်းမရှိပါဘူး။
အိုဘားမား မိန့်ခွန်းထဲမှာ ပြောသွားသလိုပါပဲ ဒါပံပြင်တပုဒ်ရဲ့ အဆုံးမဟုတ်ပါဘူးတဲ့ ပုံပြင်ထဲက အခန်းတခန်းရဲ့အဆုံးပါတဲ့။ သူတို့ကိုယ် သူတို့တော့ သိသားပဲ။ ဘင်လာဒင်သေသွားလို့ အကြမ်းဖက်မှုတွေ ပြီးသွားမှာမှ မဟုတ်တာ။ အကြမ်းဖတ်မှုတွေ လျော့ပဲသွားမလား ဟိုကဘင်လာဒင်သေလို့ ပိုဒေါသထွက်ပြီး အကြမ်းဖတ်မှု ပိုပဲတိုးလာမလား စောင့်ကြည့်ရမှာပေါ့။
